Vawiin June 13, 2023 tlai lam dar 2:00 PM khan Art & Culture Department Director Office Chamber-ah 'Zoawi Rimawi Kut 2023' hman dan tur relin Organising Committee Meeting neih a ni.
Zoawi Rimawi Kut 2023 hi Art & Culture Department leh Mizo Zaimi Inzawmkhawm Gen Hqrs. te tangkawpin an buatsaih dawn a, July 27 & 28, 2023-a neih turin ruahmanna siam a ni a. He Programme hi Zai leh Cultural Programme hmanga India rama State dangte nena in unauna siam belh zel tum a ruahman a ni. Mizoram bakah State dang atangin Cultural Programme bakah Musical Band leh Solo Artiste te sawm an ni ang a, Nort East India-a hnam hrang hrang te in unauna mai bakah National Unity & Integration hmanrua tha tak ni thei turin buatsaih a ni dawn a ni.
Zoawi Rimawi Kut 2023 Organising Committee-ah hian Art & Culture Department atangin Chairman - Pi Carol VLMS Dawngkimi, Director; General Secretary - Pu Lalchungnunga, Music Instructor, Asst. Secretary - Pu P.B. Lalrinkima, Programme Cooordinator leh Committee Member - Pu F. Lalthanmawia, SRO te an tel a ni.
NEC atanga fund hmuh hmanga buatsaih tur Zoawi Rimawi Kut 2023-ah hian Food Court, Music Festival leh Cultural Festival te buatsaih a ni anga, NEC chuan Proper Monitoring mawhphurhna hi Art & Culture Department kutah a dah a, Executing Agency atan Mizo Zaimi Inzawmkhawm (MZI) Gen Hqrs. te a ruat bawk a ni.
