Vawin Vauthla ni 8, 2024 (zirtawpni)) hian Art & Culture Department leh Zobawk Group YMA buatsaihin Zobawk playground-ah Cultural meet-cum-Chapchar Kut hlawhtling taka neih a ni a, Pu Gen Khan Do, Jt. Director, Art & Culture Department chu khuallian a ni a, Pu Donny Lalruatsanga, CEO, LMC chu Khual Zahawm a ni.
Khuallian Pu Gen Khan Do thuchah sawiin, 'kan hnam zia rang leh hnam lam chi hrang hrangte hi thangthar ten kan hriat a, kan thiam a, kan vawn nun zel a ngai a, chutiang tur chuan hma la tlang zel ang u', tiin Cultural meet-cum-Chapchar Kut hmangtu mipui te a sawm a ni.
Khual Zahawm Pu Donny Lalruatsanga, CEO, LMC pawhin thu sawiin, 'kan hnam nun zemawi te hi kan changkan zelna hian um bo lo se, hnam anga kan din chhuah zel nan kan hnam ziarang te vawng nung tlat tu i ni theuh ang u', tiin kalkhawmte a chah bawk a ni.
Pu RK Lalawmpuia, SRO (A&C), Lungleiin programme buatsaih a nih dan te sawiin lawmthu sawina hun a hmang a. Cultural meet-cum-Chapchar Kut 2024 Programme-ah hian Bialtu LMC Councellor leh Sub-Hqrs YMA hruaitute leh mi pawimawh eng emaw zat an tel bawk a ni.
Zobawk Group YMA hnuaia YMA Branch hrang hrangte, MHIP, YMA Chhang leh sikul hrang hrangte atangin Group 22 in Hnam lam chi hrang hrang an entir a, zaithiam hrang hrangte an zai bawk a ni.
